Iachini nce vuleva fà ‘o sgambètto
rinfurzànno ‘o Palermo a centrocampo
speranno ‘e truvà llà còcche difetto
pe’ rròmpëre ‘a pazziella e ffàrce ‘o schampo…
Avrà penzato a l’Inter ‘e Mancini
ca è cchiù na banda ‘e mùseca ammiscata
e ha truvato n’orchestra cu ‘e viülìni
e o’ direttore Sarri in balconata!…
‘O Napule mò tène artiglie e ccore
e ô San Paolo so’ ddulure ‘e panze
chiunque jòca ccà perde valore
e ccapisce ca nun tène speranze!…
‘O Napule nun guarda annanze o arrèto
Sarri nun càgna maje filösöfia…
C’’o Pipita ha nciǔsciàto nu secrèto
e Gonzalo…, d’’o gol trova ‘a via!
Cocche cagno pe’ nun pērdëre ‘a córza
s’àrrepòsa Koulibaly sprēmmùto
pe’ Chiricheş, uno ‘e sciàto e fforza
Lopez mmiezo d’’o primmo minuto!
Na “chicca” e aràpe ‘e danze il gran Pipita
tre difenzore nn’’o ponno ffermà
n’atu palo e grandissima partita
e Sarri nn’’o fà maje arrepusà….
Jèsce Lorenzo e jèsce assaje nervuso
segna Mertens ma senza esurtà
vulesse jucà ‘e cchiù e ffà ‘o sturciuso
sta cosa s’ha da sùbbeto apparà…
Stammo dduje punte sulo arreto ‘a primma
ca è fforte assaje e tene pure ‘a sciorta
ma nuje c’’o juoco,’a voglia e c’’a cazzimma
aräpìmmo d’’o Paraviso ‘a porta!!!….
State scrēvènno mò ‘a cchiù bella storia
e chesta vota luttate p’’a grolia!!!
di Vincenzo Falsetti
IL POETA DEL NAPOLI
Lascia un commento